انتهت حيرتي، وصرتي انتي دنيتي

خلاص انتهت حيرتي...وصرتي انتي دنيتي، وصرت انا لحالي ملك، في قلب من هو حيرتي... شفت الفرح وشفت الوله في كل حرف بكلمتي...زالت صعاب وانمحت ذكرى شكوك في مهجتي... يمكن اكون في هالوله وحدي! ويمكن تكوني يابعد عمري معي، ويمكن نكون احنا سوى لكن من خوفنا، كل يداري شمعته لا تنطفي! ماحد درى باللي حصل، ومافي أحد غير العظيم يقدر يشوف في نظرتي... اللي بدالك وانكشف، واللي عجزت انطق واقول او حتى توحيبه شفّتي...تدرين ان اليوم وبس، يبدا تقويم رحلتي؟؟ تدرين ان اليوم وبس راح اطوي صفحة الماضي وانسى كل شي، وابدا اغير عيشتي؟؟ واحطك بعيني وقلبي واغليك واترك العالم واجيك! يارب يسعد ايامك معي، ويسعد ايامي معاك! مو بس هنا في هالحياة... لكن بهالدنيا واذا رحنا نتقابل هناك...مانفترق واعمارنا هي للأبد!